Studio Caribe (Papiamento)
Studio Caribe ta enfoca riba desaroyo y realisacion di pelicula cortico (hubenil) di cineasta di e parti Caribense di Reino Hulandes. Cu e areglo di Atelier* aki, Filmfonds ta ofrece cineasta di Aruba, Boneiro, Corsou, Saba, Sint Eustatius y Sint Maarten espacio pa sigui desaroya nan talento y asina contribui na enrikecimento di e oferta di pelicula di historia original di y riba e islanan.
Danki na recurso extra disponibel di Maneho Cultural Internacional (ICB), e aña aki tin luga tambe den e trayecto pa 2 pelicula di cineasta di Surnam. Obhetivo di esaki ta pa desaroya un cooperacion cultural duradero, di igualdad y di mas aña entre Hulanda, e islanan Caribense y Surnam.
Plan di pelicula den e categorianan di ficcion, documentario, pelicula experimental (min. 5 y max. 30 minuut) of animacion (min. 1 minuut) ta bini na remarke.
Pa Studio Caribe, ta selecciona maximo 14 proyecto pa e fase di desaroyo. Ademas di e contribucion di desaroyo, e creadornan selecciona ta ricibi coaching, training y nan ta asisti na workshop pa desaroya nan plan cinematografico pa desaroya nan plan di pelicula.
Bo ke presentá un solicitud pa Studio Caribe òf bo tin algu pregunta? Na april 2026 nos lo organisá encontro presensial i online pa mustra kon bo por presentá un solicitud na Filmfonds i kon bo por skibi bo plan di film. Mas informacion tokante di esaki lo ta disponible pronto.
*Dentro di un Areglo di Tayer, ademas di un contribucion, e creadornan selecciona ta haya espacio pa desaroya un pelicula cortico den un trayecto specialmente diseña den colaboracion cu trainer of otro experto.
E areglo ta enfoca riba guionista, director y productor di Aruba, Boneiro, Corsou, Saba, Sint Eustatius, Sint Maarten y di Surnam, cu tin un idea cinematografico original pa desaroyo di un pelicula (hubenil) cortico.
Guionista y / of director (escritor) cu a biba y traha un aña of mas na Aruba, Boneiro, Corsou, Saba, Sint Eustatius, Sint Maarten of na Surnam, y tin un idea cinematografico original, por haci un peticion pa desaroyo pa Studio Caribe. Por entrega peticion cu of sin un productor. Durante e trayecto di desaroyo, e creadornan cu no tin un productor lo ricibi sosten pa haya un productor.
Un productor tambe por haci un peticion.
Como guionista, director (escritor) of productor, bo mester tin algun experencia demostrabel den e sector audiovisual, industria creativo, teatro, literatura y / of arte visual.
Ademas ta conta:
- Bo por entrega un maximo di dos plan pa persona.
- Den caso di un peticion di realisacion, esey si lo mester keda entrega pa un productor.
Mira na Condicion pa mas informacion.
Contribucion di desaroyo* Aruba, Boneiro, Corsou, Saba, Sint Eustatius y Sint Maarten:
- Maximo € 10.000,-- pa proyecto (€ 8.500 pa e creador), € 1.500 pa e productor)
* Pa informacion: como aplikante for di e Islanan Karibense, bo por solicitá te un máximo di €65.000,– inklusivo di un máximo di 15% pa producers fee i overhead.
Si bo ta selekshoná pa realisashon, 5% di e kontribushon por wordu usa pa desaroyo adicional di bo proyékto. E resto di e kontribushon lo ta invertí den e produksion di bo cortu film.
Contribucion di desaroyo Surnam:
- Maximo €5.000,- pa proyecto (€4250 pa e cineasta(nan) + €750 pa e productor)
Na kico bo ta gasta e contribucion?
Bo ta uza e contribucion aki pa e plan cinematografico. Bo ta desaroya e plan cinematografico den un treatment of scenario pa un produccion cinematografico original y independiente di por lo menos 5 minuut y un maximo di 30 minuut (ficcion, documental, cine experimental) of por lo menos 1 minuut (animacion).
Si bo keda selecciona pa desaroyo, bo ta participa den e trayecto di workshop di Studio Caribe. Aki bo ta haya coaching, training, y bo ta participa na workshop. E trayecto ta ofrece bo e hermentnan necesario pa bo cuminsa traha riba bo pelicula cortico, y, si bo no tin uno ainda, ta busca un productor adecua pa bo proyecto.
Bo tin un productor, pero esaki no tin asina tanto experencia ainda? Si bo idea cinematografico keda selecciona, un productor experto ta ofrece coaching cu e produccion durante e trayecto di Studio Caribe.
Como solicitante pa Studio Caribe, bo ta cumpli cu e siguiente condicionnan:
- Na momento di haci e peticion, bo ta biba y traha na Aruba, Boneiro, Corsou, Saba, Sint Eustatius, Sint Maarten of na Surnam ya pa mas cu un aña.
- Como guionista of director (escritor) of productor, bo mester por laga mira trabao cu ya bo a haci. Esey ta nifica cu bo tin por lo menos:
- 1 obra audiovisual liber (es decir, 1 produccion cinematografico no encarga);
- of 2 obra audiovisual comercial, encarga pa 2 cliente diferente. Pensa riba: anuncio comercial, video musical, pelicula corporativo y otro trabao cinematografico encarga;
- of por lo menos un obra teatral presenta / palabra papia / obra di radio;
- of por lo menos un historia di ficcion publica y / of un buki / poesia / podcast;
- of por lo menos un obra di arte audiovisual realisa;
Den cualke caso, un peticion pa Studio Caribe mester cumpli cu e siguiente condicionnan:
- Mester por realisa e idea cinematografico entrega riba e islanan cu mas tanto talento lokal posibel.
- E pelicula cu ta desaroya (ficcion, documental, experimental) tin un duracion minimo di 5 minuut y maximo di 30 minuut.
- Un pelicula di animacion ta dura por lo menos 1 minuut.
- Mester por desaroya y realisa e pelicula cortico nobo dentro di e contribucion y e tempo cu e Fondo a pone disponibel.
- Ta permiti financiamento adicional te na un maximo di 10% di e presupuesto di produccion.
- Despues di seleccion pa realisacion, ta realisa y entrega e pelicula dentro di un aña.
- Ta entrega e peticion na Hulandes, Ingles, Papiamentu of Papiamento.
Ora nos ta haci evaluacion, nos ta wak principalmente si bo tin un plan cinematografico cla y atractivo, cu un historia original, urgente y autentico, y cu tin su rais riba un di e islanan. Pa mas informacion, mira e preguntanan frecuente (FAQ’s) na final di e pagina aki.
Diamars, 5 di mei 2026, 12:00 or GMT-4 (na e islanan y Surnam) of 17:00 or CET (ora di Hulanda).
Un maximo di 14 plan cinematografico ta bini na remarca pa un contribucion di desaroyo. Di esakinan, un maximo di 7 plan cinematografico ta bini na remarca pa un contribucion di realisacion.
Un comision compone cu ta consisti di representante di e parti Caribense di Reino lo evalua e peticion.
E solicitudnan ta wordu evalua kompletamente pa yega na e seleccion final.
Na determiná e seleccion, nos ta buska un distribushon bunita entre e islanan, máximo dos lugarnan pa proyéktonan for di Surinam, i un komposishon divers di realizadónan.*
E director / gerente di e Fondo Cinematografico ta dicidi riba e peticion.**
* Bo por haya e puntonan cu ta tuma na consideracion pa evaluacion den articulo 5 di e Reglamento General (Dutch).
** E director / gerente ta tuma e decision final. Bo por haya e puntonan aki den articulo 3 di e Reglamento General (Dutch).
Na bo peticion, bo ta agrega e siguiente anexonan:
- Un plan cinematografico (max. un pagina A4), incluyendo titulo, logline y sinopsis. Wak e preguntanan frecuente (FAQs) akibao pa mas informacion tocante un plan cinematografico.
- Un descripcion cortico (max. un pagina A4): Kico bo a yega di traha, y kico bo ke traha (den futuro)?
- Si bo ke conta mas tocante bo mes como creador y bo plan cinematografico den un video? E ora ei bo por manda nos un video di maximo 3 minuut. Esaki no ta obligatorio.
- CV di e solicitante (maximo 1 pagina A4).
- Manda un ehempel di bo trabao(nan) anterior. Wak e
condicionnan pa ehempel. Sin trailer, compilacion of showreels.
- Tin algun cliente of productor cu bo a yega di traha cune anteriormente cu lo ke bisa algu tocante esaki (max. 1 pagina A4 pa persona).
* Atencion: E video mester keda disponibel pa por lo menos 6 luna via e link cu a duna.
For di 1 di maart - Peticion di Surnam
Bo ta un cineasta of productor di Surnam y bo kier entrega un peticion pa Studio Caribe? E ora ey manda un e-mail pa Ezra Droog via [email protected]. Ezra lo manda bo e formulario di peticion pa bo entrega bo peticion.
For di 1 di maart - Peticion di Aruba, Boneiro, Corsou, Saba, Sint Eustatius y Sint Maarten
Bo ta un cineasta of productor di Aruba, Boneiro, Corsou, Saba, Sint Eustatius y Sint Maarten y bo kier entrega un peticion pa Studio Caribe? E ora ei bo por entrega e version digital di e formulario di peticion cu e anexonan via nos sistema di peticion Frame.
Bo peticion ta valido si bo acepta nos condicionnan den e formulario. Lo tuma na consideracion solamente e peticionnan completo. Uza e lista di verificacion aki (checklist) prome cu bo manda bo peticion, di manera cu bo ta sigur cu lo tuma esaki na consideracion.
Cuminsa cu e peticion
Pa manda e peticion digital, bo ta login den Frame. Si ainda bo no tin e datonan di login, pidi un cuenta nobo prome. Pidi un cuenta nobo aki. Tene cuenta cu esaki por tuma dos dia di trabao. Bo a ricibi e datonan di login? Cuminsa cu bo peticion e ora ei via e boton akibao y sigui e pasonan aki:
- Selecciona e cuenta pa medio di cua bo ke haci bo peticion.
- Click riba Filmactiviteiten - Studio Carib.
Pregunta frecuente (FAQ’s)
Danki na recurso extra disponibel di Maneho Cultural Internacional (ICB), e aña aki tin luga tambe den e trayecto pa 2 pelicula di cineasta di Surnam. Obhetivo di esaki ta pa desaroya un cooperacion cultural duradero, di igualdad y di mas aña entre Hulanda, e islanan Caribense y Surnam.
Hulanda, e islanan Caribense y Surnam ta comparti historia, lenga, tema y publico. Door di conecta Surnam cu e rednan Caribense existente, ta surgi un ecosistema di pelicula regional den cual cineasta, productor y e instancianan ta fortalece otro.
E tanda di desaroyo y realisacion di Studio Caribe na 2026 y 2027, caminda productor Surnameño tambe ta bini na remarke pa e trayecto, ta un proyecto piloto.
Un plan cinematografico ta cuminsa masha chiki den e fase di desaroyo, por ehempel, cu solamente un idea pa bo pelicula, un logline, algun potret pa un impresion cinematografico (pensa: 400 palabra of 3 minuut di video), y e ta crece den desaroyo te bira un plan grandi den cua bo vision di director ta aparece, e treatment of scenario, bo moodboard y un animatic. Bo plan cinematografico ta crece ainda mas di manera cu eventualmente bo por yega na e fase di realisacion, y tur hende, for di e ekipo riba e set te cu e editor den posproduccion, lo sa ki tipo di pelicula boso ta trahando riba dje, y ki plan ta tras di esaki. Esaki ta e plan cu por realisa bo idea cinematografico.
Un pelicula di ficcion, pelicula di animacion, experimento cinematografico (filmico) of documental te 30 minuut. Anuncio comercial, video musical, TikTok of InstaStory tambe por tin un duracion cortico, pero no ta considera nan "short films"."Na prome luga, nos no ta mira nan como pelicula independiente, pasobra hopi biaha, nan ta traha riba encargo, y nan tin un proposito specifico (anuncio comercial, video musical). Bo por manda nan aden si esey ta relevante pa mustra loke bo por y loke bo a haci den pasado. Tambe ta importante: E Fondo Cinematografico no ta sostene anuncio comercial, video musical, TikTok of InstaStory, pero solamente pelicula (cortico) cu tin potencial pa keda presenta den cine, riba e servicionan di television/transmision, festival, etc.
Cu "cla y atractivo" nos ke bisa cu bo mester percura pa bo plan cinematografico ta facil pa lesa pa un persona cu no conoce bo, di manera cu e lesado of mirado ei no tin cu adivina of busca pa haya sa di kico bo pelicula ta trata. Imagina bo cu bo ta scirbi pa un stranhero amigabel, cu bo ta laga sera conoci cu e mundo cu bo tin na bista den bo pelicula. Percura, pues, tambe pa un tipo di leter bon legibel y, por ehempel, pa potret cla.
Cu "original, autentico y urgente" nos ke bisa cu e plan cinematografico mester ta bo idea (original), cu e historia ta creibel y cu ta creibel cu ta abo ta cont’e y cu bo bos ta zona den dje (autentico), y cu tin un motibo pa conta e historia aki na e momento aki (urgente). Por tin varios motibo cu bo plan cinematografico ta original, autentico y urgente, motibo cu ta relaciona cu bo, pero tambe motibo cu ta relaciona cu e mundo rond di bo: esakinan ta e criterionan di evaluacion cu e Fondo Cinematografico ta uza, pero no ta e intencion pa nan abiba e kandela di bo 'critico interno'.
Persona di contacto:
Esther Aboagye Afriyie
Projectbegeleider
