Studio Caribe Realisashon (Papiamento)

Studio Caribe ta enfoká riba realisashon di pelíkula kòrtiku (hubenil) di kreadó di Aruba, Boneiru, Curaçao, Saba, St. Eustatius òf St. Maarten ku ya a risibí un kontribushon di desaroyo di Studio Caribe na 2024.

Ku e areglo akí, Filmfonds ta ofresé e grupo di kreadó selektá akí espasio pa realisá nan pelíkula kòrtiku despues di e fase di desaroyo. E kalidat sinematográfiko, kon e kreadónan ta revitalisá visualmente nan historianan, i na mes momentu, ta deskubrí i desaroyá nan propio karakter ta sentral pa nos. Ku esaki, e trayekto di Studio Caribe ta kontribuí ainda mas pa enrikesé e oferta di pelíkula di historia original di i riba e islanan.

Di e 12 proyektonan ku a keda selektá anteriormente pa desaroyo, por skohe un máksimo di 6 proyekto pa e kontribushon di realisashon pa un pelíkula kòrtiku. Banda di e kontribushon, e produktor i e direktor ta risibí coaching i training, i nan ta sigui e tayernan ku ta kontribuí na realisashon di nan plan di pelíkula.

Bo a risibí anteriormente e kontribushon di desaroyo di Studio Caribe, i bo ta desea di sa mas tokante e petishon pa e buèlta di realisashon? Inskribí e ora ei pa e orario di konsulta online ku lo tuma lugá dia 10 di desèmber 2024. Mas informashon lo sigui pronto.

E promé tayer pa Realisashon di Studio Caribe lo tuma lugá fin di mei 2025. Mas informashon lo sigui pronto.

E areglo ta enfoká riba e guionistanan, e direktornan i e produktornan di e 12 proyektonan selektá anteriormente pa Desaroyo di Studio Caribe na 2024, ku ke realisá nan pelíkula kòrtiku den e kategorianan di fikshon, dokumental òf pelíkula eksperimental. E guion pa e pelíkula aki entretantu ta kasi kompletamente desaroyá.

E petishon pa Realisashon di Studio Caribe ta keda hasí eksklusivamente pa produktor di e pelíkula:

• Na momentu ku ta hasi petishon, e produktor ta biba i traha na Aruba, Boneiru, Curaçao, Saba, St. Eustatius of St. Maarten.
• E produktor mester ta registrá na Kámara di Komèrsio, pero e no tin mester di ta un entidat hurídiko (pues, un sosiedat general òf empresarial individual tambe ta permití).
• E produktor ya a realisá i lansa por lo ménos 1 pelíkula kòrtiku den e sektor profeshonal di pelíkula i/òf televishon. Si esaki no ta e kaso, e ora ei e produktor mester indiká den e plan di trabou kon e eksperensia limitá akí lo keda kompensá bou di guia di un coach.
• E produktor no ta e mésun persona ku e direktor.

Por hasi petishon pa e siguiente kontribushonnan pa Studio Caribe:

• Un máksimo di €65.000,-
  Inkluyendo un máksimo di 15% di e tarifa di produktor i gastu general.
  E kontribushon di realisashon lo keda gastá na produkshon di e pelíkula kòrtiku. E kontribushon ta inkluí kualke ahuste final di e guion, coaching eksterno di e tim, tradukshon, suptítulashon tur otro gastu).

• Un máksimo di € 2.500 pa guia i coaching pa un produktor di pelíkula òf televishon ku eksperensia.

Wak bou di Kondishonnan pa mas informashon tokante trahamentu di e presupuesto pa Studio Caribe.

Tur e montantenan di meta por keda hañá den Kapítulo 2 di e Protokòl Finansiero i di Produkshon.

E siguiente kondishonnan ta konta pa Realisashon di Studio Caribe:

• E proyekto pa kua a pidi un kontribushon di realisashon a risibí un kontribushon di desaroyo di Studio Caribe na 2024.
• E solisitante ta produktor di e pelíkula, manera deskribí bou di Ken por hasi petishon?. Si e produktor no kumpli ku e rekisitonan di entrada akí, e komishon lo no evaluá kontenido di e proyekto, i e petishon lo keda rechasá. Si tin duda, por fabor, tuma kontakto ku e personanan di kontakto na pia di e página akí òf inskribí pa e orario di konsulta online riba 10 di Desèmber 2024.
• E pelíkula (fikshon, dokumental òf eksperimental) tin un tempu di proyekshon di por lo ménos 5 minüt i un máksimo di 30 minüt. Pa pelíkula di animashon, tin un tempu di proyekshon mínimo di 1 minüt i un máksimo di 30 minüt.
• Potensialmente por pasa e pelíkula na sine, na televishon, na un plataforma di streaming òf un festival di pelíkula. E pelíkula, pues, no ta un dokumental di wèp, un trailer, un vídio musikal òf un reportahe.
• E pelíkula mester por keda produsí i entregá denter di e presupuesto di produkshon previsto i denter di 12 luna despues di otorgamentu (e último akí no ta konta pa pelíkula di animashon). Bo ta kalkulá ku lo bo mester di mas tempu pa e pelíkula? Por fabor, tuma kontakto ku nos.
• Ta pèrmití finansiamentu adishonal despues di otorgashon te na un máksimo di 10% di e kontribushon di supsidio.
• Mester por realisá e pelíkula riba e islanan ku mas tantu talento lokal posibel. Méskos ta konta pa posprodukshon di e pelíkula. Tin un otro lugá di filmashon òf posprodukshon? Duna un bon argumentason den e petishon dikon esei ta nesesario pa e pelíkula. Deskribí tambe ki ròl a reservá pa esei pa talento di e islanan.
• Ta entregá e petishon na Hulandes, Ingles, Papiamentu òf Papiamento.
• E presupuesto mester ta balansá. Esaki ta nifiká ku e presupuesto mester ta realístiko, kuadra bon ku e tipo di proyekto, i tur hende ku partisipá ta keda rekompensá adekuadamente. E kreadónan ta demostrá ku nan por realisá e ambishonnan artístiko di e proyekto ku e presupuesto entregá. E produktor mester uza e modèl di presupuesto mas resien di e Filmfonds (klek aki pa e modèl di presupuesto di pelíkula di animashon spesial). Ta introdusí e partidanan di gastu na euro.

Obligá

A selektá e pelíkula pa Realisashon di Studio Caribe? E ora ei e produktor i e direktor ta obligá pa partisipá den e tayernan i e kursonan di training denter di e trayekto di realisashon. Tene kuenta ku esaki den bo planifikashon pa 2025.

Estreno

Ta aspirá pa estrená konhuntamente tur e pelíkulanan na un òf mas festival. Lansamentu individual òf entrega na e festivalnan ta solamente posibel despues ku a haña pèrmit di Filmfonds.

Durante e evaluashon, nos ta wak prinsipalmente si bo tin un plan di pelíkula kla i atraktivo, ku un historia original, urgente i outéntiko ku ta ankrá riba un di e islanan.

Kiko nos ke men ku e kriterionan akí? Klek aki pa mas informashon (NL).

Nos ta wak tambe kon leu talento lokal ta keda uzá durante e produkshonnan i kon/si ta duna talento nobo un chèns pa haña eksperensia.

Finalmente, e presupuesto mester ta balansá i a hasi uzo di e modèl di presupuesto. Mira Kondishonnan.

Ta konsiderá e petishonnan integralmente pa yega na un selekshon. Den e kaso ei, ta aspirá pa logra un plamamentu riba e islanan i un komposishon diverso di e kreadónan.

E deadline pa entregá ta djaluna 3 di mart 2025 12:00 GMT -4 (riba e islanan) òf 17:00 CET (ora di Hulanda).

Relashoná ku kontenido

E petishon ta keda evaluá pa un komishon komponé ku representashon di e parti Karibense di Reino.

Relashoná ku produkshon-komèrsio

E gerentenan di proyekto i produkshon di e Filmfonds ta kontrolá e aspekto di produkshon i komersial di bo petishon.

E direktor-gerente di e Filmfonds ta disidí riba e petishon.*

*Bo a risibí un kontribushon di desaroyo pa Studio Caribe, pero bo proyekto no a keda selektá pa un kontribushon di realisashon, òf bo no a kumpli ku e fecha límite pa Realisashon di Studio Caribe? E ora ei semper bo por wak si bo por entregá e plan di pelíkula pa un otro areglo di Filmfonds. Por fabor, tuma kontakto ku un di e personanan di kontakto menshoná akibou pa mas informashon.

Por fabor, agregá e siguiente aneksonan na bo aplikashon:

• Un splikashon di e produktor (un máks. di 2 página)
• Un splikashon di e uzo di talento lokal i e oportunidatnan pa talento nobo
• Sinópsis kòrtiku
• Senario/guion di dokumental/plan di pelíkula
• Vishon di e direktor (un máks. di 2 página)
  • Deskribí aki kon bo ke traha e pelíkula
  • Un splikashon di e kalidat sinematográfiko: deskribí aki kon lo bo uza forma i estilo pa krea un pelíkula di kalidat visual fuerte i konvinsente.
• Vishon di e guionista
• Un splikashon di e coach di produkshon (si ta aplikabel. 1 página máksimo)
• Plan di trabou
• Material di prueba (si ta aplikabel)
• CV di e miembronan di ekipo enbolbí
• Presupuesto di produkshon i plan di finansiamentu
• Splikashon di e presupuesto
• Konseshon di finansiamentu i/òf di e akuerdonan di finansiamentu (si ta aplikabel.)
• Ekstrakto di Kámara di Komèrsio
• Adishon opshonal: un splikashon visual kòrtiku (un máksimo di 3 minüt)

Mira e formulario di petishon pa mas informashon tokante e diferente aneksonan ku bo mester inkluí.

Reglamento (Dutch)

• Reglamento General
• Supreglamento di Realisashon

Protokòl, prosedimentu i modèl (Dutch)

• Protokòl Finansiero i di Produkshon
• Modèl di presupuesto pa Fikshon Kòrtiku/Dokumental Kòrtiku
• Fair Practice

You can apply for Studio Caribe from December 16th, 2024.

Bo por hasi petishon entregando e vershon digital di e formulario di petishon ku anekso via Frame. Bo petishon ta bálido ora bo bai di akuerdo ku nos kondishonnan den e formulario. Solamente petishon kompleto lo keda prosesá. Uza e checklist akí promé ku bo entregá bo petishon pa bo ta sigur ku lo e keda prosesá.

Kuminsá ku e petishon

Pa hasi entrega di e petishon digital, log-in den Frame. Si bo no tin e datonan di log-in ainda, pidi promé un kuenta nobo. Pidi un kuenta nobo aki. Tene kuenta ku esaki por tuma dos dia di trabou. Bo a risibí e detayenan di inskripshon? Kuminsá hasi bo petishon via e kònòpi akibou i sigui e pasonan akí:

1. Selektá e kuenta pa medio di kua bo ke hasi entrega.

2. Klek riba Film Activities - Studio Caribe.