Studio Caribe Realisacion (Papiamentu)

Studio Caribe ta enfoca riba realisacion di pelicula cortico (hubenil) di creador di Aruba, Bonaire, Curaçao, Saba, St. Eustatius of St. Maarten cu ya a ricibi un contribucion di desaroyo di Studio Caribe na 2024.

Cu e areglo aki, Filmfonds ta ofrece e grupo di creador selecta aki espacio pa realisa nan pelicula cortico despues di e fase di desaroyo. E calidad cinematografico, con e creadornan ta revitalisa visualmente nan historianan, y na mes momento, ta descubri y desaroya nan propio caracter ta central pa nos. Cu esaki, e trayekto di Studio Caribe ta contribui ainda mas pa enrikece e oferta di pelicula di historia original di y riba e islanan.

Di e 12 proyectonan cu a keda selecta anteriormente pa desaroyo, por scoge un maximo di 6 proyecto pa e contribucion di realisacion pa un pelicula cortico. Banda di e contribucion, e productor y e director ta ricibi coaching y training, y nan ta sigui e tayernan cu ta contribui na realisacion di nan plan di pelicula.

Bo a ricibi anteriormente e contribucion di desaroyo di Studio Caribe, y bo ta desea di sa mas tocante e peticion pa e buelta di realisacion? Inscribi e ora ey pa e orario di consulta online cu lo tuma luga dia 10 di december 2024. Mas informacion lo sigui pronto.

E prome tayer pa Realisacion di Studio Caribe lo tuma luga fin di mei 2025. Mas informacion lo sigui pronto.

E areglo ta enfoca riba e guionistanan, e directornan y e productornan di e 12 proyectonan selecta anteriormente pa Desaroyo di Studio Caribe na 2024, cu ke realisa nan pelicula cortico den e kategorianan di ficcion, documental of pelicula experimental. E guion pa e pelicula aki entretanto ta casi completamente desaroya.

E peticion pa Realisacion di Studio Caribe ta keda haci exclusivamente pa productor di e pelicula:

• Na momento cu ta haci peticion, e productor ta biba y traha na Aruba, Bonaire, Curaçao, Saba, St. Eustatius of St. Maarten.
• E productor mester ta registra na Camara di Comercio, pero e no tin mester di ta un entidad huridico (pues, un sociedad general of empresarial individual tambe ta permiti).
• E productor ya a realisa y lansa por lo menos 1 pelicula cortico den e sector profesional di pelicula y/of television. Si esaki no ta e caso, e ora ey e productor mester indica den e plan di trabao con e experiencia limita aki lo keda compensa bou di guia di un coach.
• E productor no ta e mesun persona cu e director.

Por haci peticion pa e siguiente contribucionnan pa Studio Caribe:

• Un maximo di €65.000,-
  Incluyendo un maximo di 15% di e tarifa di productor y gasto general.
  E contribucion di realisacion lo keda gasta na produccion di e pelicula cortico. E contribucion ta inclui cualke ahuste final di e guion, coaching externo di e team, traduccion, subtitulacion y tur otro gasto).

• Un maximo di € 2.500 pa guia y coaching pa un productor di pelicula of television cu experiencia.

Wak bou di Condicionnan pa mas informacion tocante trahamento di e presupuesto pa Studio Caribe.

Tur e montantenan di meta por keda haya den Capitulo 2 di e Protocol Financiero y di Produccion.

E siguiente condicionnan ta conta pa Realisacion di Studio Caribe:

• E proyecto pa cua a pidi un contribucion di realisacion a ricibi un contribucion di desaroyo di Studio Caribe na 2024.
• E solicitante ta productor di e pelicula, manera describi bou di Ken por haci peticion?. Si e productor no cumpli cu e rekisitonan di entrada aki, e comision lo no evalua contenido di e proyecto, y e peticion lo keda rechasa. Si tin duda, por favor, tuma contacto cu e personanan di contacto na pia di e pagina aki of inscribi pa e orario di consulta online 10 di December 2024.
• E pelicula (ficcion, documental of experimental) tin un tempo di proyeccion di por lo menos 5 minuut y un maximo di 30 minuut. Pa pelicula di animacion, tin un tempo di proyeccion minimo di 1 minuut y un maximo di 30 minuut.
• Potencialmente por pasa e pelicula na cine, na television, na un plataforma di streaming of na un festival di pelicula. E pelicula, pues, no ta un documental di web, un trailer, un video musical of un reportahe.
• E pelicula mester por keda produci y entrega denter di e presupuesto di produccion previsto y denter di 12 luna despues di otorgamento (e último aki no ta conta pa pelicula di animacion). Bo ta calcula cu lo bo mester di mas tempo pa e pelicula? Por favor, tuma contacto cu nos.
• Ta permiti financiamento adicional despues di otorgamento te na un maximo di 10% di e contribucion di subsidio.
• Mester por realisa e pelicula riba e islanan cu mas tanto talento local posibel. Mescos ta conta pa posproduccion di e pelicula. Tin un otro luga di filmashon of posproduccion? Duna un bon argumentacion den e peticion dicon esei ta necesario pa e pelicula. Deskribi tambe ki rol a reserva pa esei pa talento di e islanan.
• Ta entrega e peticion na Hulandes, Ingles, Papiamentu of Papiamento.
• E presupuesto mester ta balansa. Esaki ta nifica cu e presupuesto mester ta realistico, cuadra bon cu e tipo di proyecto, y tur hende cu participa ta keda recompensa adecuadamente. E creadornan ta demostra cu nan por realisa e ambicionnan artistico di e proyecto cu e presupuesto entrega. E productor mester uza e model di presupuesto mas resien di e Filmfonds. Ta introduci e partidanan di gasto na euro.

Obliga

A selecta e pelicula pa Realisacion di Studio Caribe? E ora ey e productor y e director ta obliga pa participa den e tayernan y e cursonan di training denter di e trayekto di realisacion. Tene cuenta cu esaki den bo planificacion pa 2025.

Estreno

Ta aspira pa estrena conhuntamente tur e peliculanan na un of mas festival. Lansamento individual of entrega na e festivalnan ta solamente posibel despues cu a haya permit di e Filmfonds.

Durante e evaluacion, nos ta wak principalmente si bo tin un plan di pelicula cla y atractivo, cu un historia original, urgente y outentico, cu ta ankra riba un di e islanan.

Kico nos ke men cu e criterionan aki? Click aki pa mas informacion (NL).

Nos ta wak tambe con leu talento local ta keda uza durante e produccionnan y con/si ta duna talento nobo un chens pa haya experiencia.

Finalmente, e presupuesto mester ta balansa y a haci uzo di e model di presupuesto. Mira Condicionnan.

Ta considera e peticionnan integralmente pa yega na un seleccion. Den e caso ey, ta aspira pa logra un plamamento riba e islanan y un composicion diverso di e creadornan.

E deadline pa entrega ta dialuna 3 di mart 2025 12:00 GMT -4 (riba e islanan) of 17:00 CET (ora di Hulanda).

Relaciona cu contenido

E peticion ta keda evalua pa un comision compone cu representashon di e parti Caribense di Reino.

Relaciona ku produccion-comercio

E gerentenan di proyecto y produccion di e Filmfonds ta controla e aspecto di produccion y comercial di bo peticion.

E director-gerente di e Filmfonds ta dicidi riba e peticion.*

*Bo a ricibi un contribucion di desaroyo pa Studio Caribe, pero bo proyecto no a keda selecta pa un contribucion di realisacion, of bo no a cumpli cu e fecha limite pa Realisacion di Studio Caribe? E ora ey semper bo por wak si bo por entrega e plan di pelicula pa un otro areglo di Filmfonds. Por favor, tuma contacto cu un di e personanan di contacto menciona akibao pa mas informacion.

Por favor, agrega e siguiente anexonan na bo peticion:

• Un splicacion di e productor (un max. di 2 pagina)
• Un splicacion di e uzo di talento local y e oportunidadnan pa talento nobo
• Sinópsis cortico
• Senario/guion di documental/plan di pelicula
• Vision di e director (un max. di 2 pagina)
  • Describi aki con bo ke traha e pelicula
  • Un splicacion di e calidad cinematografico: describi aki con lo bo uza forma y estilo pa krea un pelicula di calidad visual fuerte y convincente.
• Vision di e guionista
• Un splicacion di e coach di produccion (si ta aplicabel. 1 pagina maximo)
• Plan di trabao
• Material di prueba (si ta aplicabel)
• CV di e miembronan di ekipo enbolbi
• Presupuesto di produccion y plan di financiamento
• Splicacion di e presupuesto
• Konseshon di financiamento y/of di e acuerdonan di financiamento (si ta aplicabel.)
• Extracto di Camara di Comercio
• Adicion opcional: un splicacion visual cortico (un maximo di 3 minuut)
• Mira e formulario di peticion pa mas informacion tocante e diferente anexonan cu bo mester inclui.

Reglamento (Dutch)

• Reglamento General
• Subreglamento di Realisacion

Protokòl, prosedimentu i modèl (Dutch)

• Protocol Financiero y di Produccion
• Model di presupuesto pa Ficcion Cortico/Documental Cortico
• Fair Practice

You can apply for Studio Caribe from December 16th, 2024.

Bo por haci peticion entregando e version digital di e formulario di peticion cu anexo via Frame. Bo peticion ta valido ora bo bai di acuerdo cu nos condicionnan den e formulario. Solamente peticion completo lo keda procesa. Uza e checklist aki prome cu bo entrega bo peticion pa bo ta sigur cu lo e keda procesa.

Cuminsa cu e peticion

Pa haci entrega di e peticion digital, log-in den Frame. Si bo no tin e datonan di log-in ainda, pidi prome un cuenta nobo. Pidi un cuenta nobo aki. Tene cuenta cu esaki por tuma dos dia di trabao. Bo a ricibi e detayenan di inscripcion? Cuminsa haci bo peticion via e conopi akibao y sigui e pasonan aki:

1. Selecta e cuenta pa medio di cua bo ke haci entrega.

2. Click riba Film Activities - Studio Caribe.